काठमाडौँ । जेनजीको प्रदर्शनका क्रममा घाइते भई आएका ७ जनाको उपचार गरिएको बीपी कोइराला स्वास्थ्य विज्ञान प्रतिष्ठानले जानकारी दिएको छ ।
घाइतेमध्ये ६ जना उपचारपछि डिस्चार्ज गरिएको छ भने १ जना घाइते २२ वर्षीय पूर्ण परियारको अस्पतालको इमर्जेन्सीमा उपचार भइरहेको प्रतिष्ठानकी प्रवक्ता प्रा. डा अन्जु प्रधानले जानकारी दिएकी हुन् ।
यसअघि भदौ २३ गतेको प्रदर्शनमा ११ जना घाइते प्रतिष्ठानमा आएका थिए । घाइतेमध्ये ६ जनाको उपचार पश्चात् डिस्चार्ज गरिएको छ भने ३ जनाको भने उपचार भइरहेको छ ।
प्रवक्ता प्रधानका अनुसार २ जनाको भने प्रतिष्ठानमा ल्याइँदा नै मृत्यु भइसकेको थियो ।
