‘एकतर्फी नै सही तर मेरो माया साँचो छ,’ काठमाडौं महानगरपालिकाका मेयर बालेन्द्र शाह (बालेन)ले धरान उपमहानगरपालिकाका मेयर हर्क साम्पाङलाई मंगलबार दिउँसो सामाजिक सञ्जालमा पोस्ट गर्दै यसरी मायाभाव प्रस्तुत गरे ।
पछिल्लो समय हर्क आफूदेखि आक्रोशित रहेका बुझेका बालेनले लेखेका छन्, “डियर हर्क साम्पाङ, तिमीले मलाई जति गाली गरे पनि म तिमीलाई माया गर्न छोड्दिनँ । एकतर्फी नै सही, तर मेरो माया साँचो हो । यू आर माई ट्रु लभ ।”
बालेनको यो पोस्ट अहिले सामाजिक सञ्जालमा चर्चाको केन्द्र बनेको छ । ‘जेनजी’को प्रदर्शनपछि आफ्नो पक्षमा नबोलेको भन्दै रिसाएका हर्क केही दिनयता बालेनमाथि निरन्तर खनिएका छन् ।
