काठमाडौँ । नेपाली बालबालिकाहरूले भियतनाममा सम्पन्न प्रतिष्ठित अन्तर्राष्ट्रिय प्रतियोगिता ‘जुनियर मोडल इन्टरनेशनल २०२५’ मा चार महत्त्वपूर्ण उपाधि जितेका छन् । तासी नुर्वु शेर्पा, तोरेशा भण्डारी, सुहानी श्रेष्ठ र विपार्थ थापाले विभिन्न विधामा उपाधि हात पार्न सफल भएका हुन् ।
भियतनामको दानाङ शहरमा अगस्ट १३ देखि १८ सम्म आयोजना भएको प्रतियोगितामा विश्वका विभिन्न देशका प्रतिभाशाली बालबालिकाहरूको सहभागिता रहेको थियो । उक्त अन्तर्राष्ट्रिय मञ्चमा नेपाली प्रतिनिधिहरूले नेपालको कला, संस्कृति, सम्पदा र पर्यटनलाई आकर्षक ढंगले प्रवर्द्धन गरेका थिए । उनीहरूले प्रस्तुत गरेका सामग्री र प्रदर्शनले अन्तर्राष्ट्रिय स्तरमा प्रशंसा बटुल्न सफल भयो ।
नेपाली प्रतिभाहरूले जितेका उपाधिहरूस्
विपार्थ थापा स् प्रिन्स केटातर्फ सेकेन्ड रनरअप
सुहानी श्रेष्ठ स् बेष्ट इन्ट्रोडक्सन अवार्ड
तासी नुर्वु शेर्पा स् प्रिन्स अफ एसिया
तोरेशा भण्डारी स् राइजिङ स्टार
यी चारै जना बालबालिका रेडियन्ट इभेन्ट म्यानेजमेन्ट एजेन्सीद्वारा आयोजित राष्ट्रिय प्रतियोगिताहरू ‘मिलेनियम किड्स इन्टरनेसनल २०२५’ र ‘लिटिल प्रिन्स एण्ड प्रिन्सेस इन्टरनेशनल २०२५’ का विजेताहरू हुन् ।
